ÉG KOMST INN!!!!!!!!!

ÉG KOMST Í LEIKLISTARSKÓLA ÚT Í BRETLANDI!!!!!!!

Ég fékk að vita það áðan í tölvupósti að ég hafði fengið inntöku í leiklistarskóla sem heiti ROSE BRUFORD sem staddur er í Kent í útjaðri LONDON......Þriggja ára leiklistarnám.


Jeiiiiiiiiii

Þannig að

Stay tuned

Hvar hafa dagar lífs míns lit sínum glatað

Ekki á að skilja fyrirsögnina sem svo að ég sé eitthvað rosalega bömmd át....alls ekki, hef bara aldrei prófað að hafa svona skáldlega fyrirsögn:p

Ég lofaði því einhvern tíman um daginn að opinbera það hver ég er....þ.e.a.s. hver http://leikari.blogspot.com sé. Einhverja hluta vegna hef ég ekki gert það og ætlaði mér svosem aldrei að opinbera það þegar ég byrjaði með þessa síðu fyrir þrem árum síðan.....En ég semsagt heiti Matthías Freyr Matthíasson og er ég 26 ára gamall. Kem upprunalega ofan af skaga og hef þvælst á milli nokkura bæjarfélaga síðan ég varð unglingur.

Síðatliðin ár hef ég haft atvinnu af því að vinna með börnum og unglingum, sem og menningarlegu starfi með ungu fólki. Ég er pólitískur eins og fram hefur komið á þessari síðu, er samfylkingarmaður og er í stjórn ungra jafnaðarmanna. Ég er með leiklistarmaníu á háu stigi og draumurinn er að fá tækifæri til þess að læra það fag. Hef ég sótt 4 sinnum hér heima og ekki komist inn, og hef því tekið þá ákvörðun að reyna ekki aftur hér heima. Í staðinn er ég að sækja um í bretlandi og vonandi getur það gengið upp. Er reyndar skíthræddur við það, það er eitthvað ógnvekjandi við það að hugsanlega flytjast til útlanda en það eru líka ákveðin tækifæri í því.

Annars er bara gaman að lifa og ég er sáttur við guð og menn, og dagar lífs míns hafa engum lit glatað.

þannig að

Stay tuned

Ps: ætti ég að breyta undirskriftinni? Er búinn að vera með þessa nokkuð lengi, segið álit ykkar í commentum

London....Glasgow.....Bristol....here i come:)

Jæja....nú er minns loksins að láta verða að því sem minns er búinn að vera að tala um síðan minns var 20 ára gamall ( úff....það eru 6 ár síðan ) Ég er að fara til London...Glasgow og Bristol í inntökupróf í leiklistarskóla þar. Síðan er Rose Bruford hér um helgina með inntökupróf og ætla ég að mæta í það, síðan veit ég ekki hvað verður með LAMDA, hvort að ég bíði með það þangað til að þeir koma eða noti tækifæri og fari þangað í sömu ferðinni.

Þetta miðast auðvitað allt við það að tímasetningarnar mínar passi við þeirra, er búinn að fá svar frá Royal Scottish school of music and drama og East15 um að ég geti komið á þeim tíma sem hentar mér þannig að nú er ég að bíða eftir svari frá Bristol Old Vic.

I´ll keep you posted

Þannig að

Stay tuned.

Ps: það er sko allt annað en létt mál að geta flutt Hamlet eins og á að flytja Hamlet...þ.e.a.s. á ensku. Þessii texti er fáránlega erfiður

Inntökuprófsferlið eins og það lagði sig

ákvað að setja ferlið hér inn, ykkur til fróðleiks og skemmtunar





10 Mars 2006. Fyrsti dagurinn af nokkrum vonandi í inntökuprófum LHÍ.


Klukkan 07:40 vaknaði ég heima hjá Halla frænda eftir tæplega þriggja tíma svefn. Ágætis spenna kominn í magann og eftirvænting fyrir því sem var framundan, 4 og síðasta tilraun mín til þess að komast inn í Leiklistardeild Listaháskóla Íslands. Þetta leggst vel í mig hugsa ég þegar ég er að ganga úr bílinum að skólanum, hef aldrei verið jafn vel undirbúinn og þeir fjórir mónólógar sem ég hef verið að æfa undanfarna daga steinliggja hjá mér. Samt er það eitthvað sem veldur mér óörryggi, er að reyna í 4 skiptið að komast inn og að ganga í gegnum þetta ferli vitandi það að síðustu tvö skipti hef ég komist í þennan alræmda lokahóp.

Morguninn byrjaði á leikfimi. Hef sjaldan verið jafn þreyttur eftir hlaupin sem voru í morgun en mikið rosalega var þetta gaman☺ Þarna voru fólk sem hafa bæði verið með mér áður sem og krakkar úr stúdó og gaman að geta tekið þátt í þessu með þeim, þarna voru t.d. Kári, Adda, Jóhanna, Gauti ofl.

Eftir leikfimina sem tók klukkutíma að þá tók við smá bið hjá mér, þar sem ég var nr 15 í röðinni að komast fyrir framan inntökunefndina sem í þetta var skipuð, Stebba Jóns, Hilmari Odds, Snæju og Anio Freyju. Þegar loksins kom að mér að þá var ég beðinn um að velja annann af tveim monologonum sem ég átti að flytja, ég valdi Hamlet og þau völdu Brim. Ég byrjaði á Hamlet og gekk það vel fyrir utan textaklikk sem samt stoppaði mig ekki en aðeins sló niður í tempóinu mínu. Og síðan var komið að Brim og það gekk þetta líka skínandi vel, þau hlógu og gáfu mér þannig feedback að ég get ekki annað en verið hress með það. Samt er það alltaf þannig að þessu litlu hlutir sem eru að bögga mann eins og þetta textaklikk, en það verður ekki það sem ákvarðar hvort ég komist inn. Síðan hittust nokkrir krakkar á prikinu eftir þetta í dag, og það var bara hresst.

Kom ég heim og fór að sofa alveg búinn á því, síðan kemur það bara í ljós á mánudagsmorgun hvort að maður komist í næsta þrep. Ég vona það svo sannarlega, ég tel að ég eigi það skilið og ég hugsa að það yrði sárara en hin skiptin ef ég kæmist ekki áfram í næsta þrep.

Meira vonandi á mánudaginn.

Mánudagurinn 13-03-06.

Jæja þá er það komið í ljós hverjir komust áfram og er ég einn þeirra og er það mikill léttir. Einnig er það virkilega gaman að við erum 15 úr stúdentaleikhúsinu sem komumst áfram og Susie komst líka áfram þannig að þetta er bara æðislegt. Síðan fær maður að vita vonandi á morgun hvaða dag maður á að mæta og hvað maður eigi að gera. Þannig að meira um þetta ferli þegar ég er búinn í þessu þrepi.

Föstudagurinn 16-03-06.

Vaknaði í dag klukkan 06:45 og fór í sturtu og gerði mig kláran í það að fara í annað þrepið í inntökuprófunum. Hafði farið í gærkvöldi ásamt Susie að hitta Jakob Þór og hafði hann gefið okkur nokkuð góð tips. Ég hitti Kára í Björnsbakarí þar sem við ræddum málið og hvernig okkur litist á daginn. Prófin byrjuðu rúmlega átta með upphitun í umsjón Ólafar danskennara og var það massa púl í 1 og ½ tíma. Hlaup og hopp og samvinna með öðrum ofl ofl. Síðan var tíu mínútna pása og svo var farið í spuna vinnu með Steinunni Knútsdóttur leikara og leikstjóra og var hún að vinna með status vinnu með okkur .þ.e.a.s. fókus frá 0 – 10. Það er varla hægt að útskýra það í rituðu máli. Eftir þessa spunavinnu að þá var komið að eintölunum okkar og er óhætt að segja að maginn á mér hafi ekki tekið vel í það að vera í einhverji spennu því að hann lét óspart vita af sér á meðan ég var að bíða eftir því að það kæmi að mér. En ég beið semsagt í einn og hálfan tíma áður en ég fór inn til dómnefndar, þegar þar var komið að þá biðja þau mig um að fara með Pétur Gaut. Ég segi ekkert mál og byrja bara eins og ég hef lagt hann, allt í einu stoppar Stefán mig og biður mig um að flytja textann á meðann ég sé að hoppa og það af fullum krafti!!! Ég byrja að hoppa og flytja textann og á meðan er Stebbi að kalla á mig að tala hærra og hoppa hærra og síðan segir hann hættu að hoppa og byrjaðu að hlaupa og “segðu okkur textann eins og þú sért að flytja hann, sjáðu myndirnar fyrir þér” og ég var alveg BÚINN á því að þá er mér sagt að koma og beint fyrir framan nefndina og byrja upp á nýtt og flytja textann. Ég geri það móður og másandi og er kominn vel á skrið, að þá er ég beðinn um að fara yfir í Hamlet og ég gerði það.

Erfiður dagur og tvímælalaust einn sá erfiðasti sem ég hef gengið í gegnum í svona dæmi, þegar þetta er ritað er ég alveg búinn í skrokknum og er drulluþreyttur. En ég fæ að vita á mánudaginn hvort að ég komist þriðja árið í röð í þennann blessaða lokahóp og nú vonar maður bara það besta. Ég allavegna er sáttur við framistöðuna í dag.

Mánudagurinn 20-03-06.

Jæja...ég fékk það svar í morgun á e-maili að skólanum þætti leitt að tilkynna mér það að hann gæti ekki orðið við ósk minni um skólavist á vetri komandi, eins og það var orðað í bréfinu. Ég ætla ekki að reyna að halda því fram að ég hafi ekki orðið svekktur en svona er þetta nú einu sinni. Guð hefur greinilega einhver önnur plön fyrir mig og verð ég bara að sætta mig við það. Er ég nú að leggja drög að því að sækja um í skólum erlendis og er ég þá að horfa til London og Skotlands í þeim efnum.

Þannig að

Stay tuned

Til hamingju Ísland......inntökupróf.......uuuu.....já....

Silvía Nótt rústaði undankeppninni hér heima eins og allir vita....rúm 70.000 atkvæði, það er ekkert smá...Til hamingju með þetta.

Vegna inntökuprófa í LHÍ hef ég tekið þá ákvörðun að ég muni ekkert blogga fyrr en það ferli er búið, hvort sem um er að ræða að ég komist inn eða detti út snemma......Þannig að adios þangað til 26 mars

Þannig að

Stay tuned

Prófkjör Samfylkingarinnar í Reykjavík um helgina....Andrés Jónsson í 4 sætið

Nú um helgina er haldið prófkjör Samfylkingarinnar í Reykjavík fyrir borgarstjórnarkosningarnar í vor. Það eru 16 frambærilegir frambjóðendur sem eru að bjóða sig fram í forystu flokksins og er það frábær árangur í ekki eldri flokki en Samfylkingin, sem er nú að slíta barnsskónum.

Andrés Jónsson er að bjóða sig fram í 4 sæti prófkjörsins. Andrés er 28 ára gamall og hefur á nokkrum árum skapað sér nafn í íslenskri pólitík fyrir öfluga stjórn á Ungum Jafnaðarmönnum, en þar er hann formaður og hefur verið það 2 og ½ ár og þar af verið endurkosinn tvisvar sinnum. Þar áður var hann formaður Ungra Jafnaðarmanna í Reykjavík.

Andrés er maður sem svo sannarlega á skilið að sitja í Borgarstjórn Reykjavíkur. Hann er með sterka sýn á það hvernig á að byggja upp Reykjavík enn frekar og gera Reykjavík að enn öflugri fjölskylduborg.

Það sem mér finnst einna áhugaverðast í stefnumálum Andrésar er sú sýn hans að Borgarstjóri skuli vera kosinn í beinni kosningu, ekki kosinn á vegum flokksins. Dæmin sýna það að það sé beint hættulegt fyrir lýðræðið að svo skuli ekki vera. Horfum við upp á það til dæmis að ef einn minnsti flokkur landsins næði manni inn í Borgarstjórn nú í vor að þá eru líkur á að efsti maður þess flokks kæmist í oddaaðstöðu, og þar af leiðandi gæti orðið Borgarstjóri með minnsta fylgið á bak við sig.

Þetta er þróun sem þarf að stöðva og breyta þarf þessu fyrirkomulagi og þar er það sem Andrés vill gera með þeirri tillögu sinni að Borgarstjóri verði kosinn í beinni kosningu af borgarbúum.

Því hvet ég alla Reykvíkinga til þess að mæta nú um helgina á kjörstaði sem staðsettir eru víða um borgina og kjósa öflugan mann og öflugra lýðræði innan Reykjavíkur. Andrés Jónsson í 4 sætið.

Opið prófkjör Samfylkingarinnar í Reykjavík um næstu helgi....Andrés Jónsson formaður Ungra Jafnaðarmanna í 4 sætið

Um næstu helgi er prófkjör í Samfylkingarinnar í Reykjavík. Þar er Andrés Jónsson formaður Ungra Jafnaðarmanna að bjóða sig fram í 4 sætið. Andrés er kraftmikill og öflugur talsmaður ungs fólks og á svo sannarlega skilið góða kosningu.

Því vil ég hvetja alla til þess að kjósa Andrés í þessu prófkjöri, þú þarft ekki að vera skráður í samfylkinguna og munt ekki verða skráður í samfylkinguna eða á einn eða neinn lista tengdri henni í kjölfarið. Það eina sem þú þarft er að vera með lögheimili í Reykjavík.

Viltu öflugan talsmann í borgarstjórn....þá kýstu Andrés Jónsson....nánari uppl á heimasíðu Andrésar Andrés Jónsson

Þannig að

Stay tuned

Kvikindið orðið 26 ára gamalt...þ.e.a.s. ég.....

Jamms....ég á afmæli í dag....26 ára gamall orðinn....blóm og kransar vinsamlegast afþakkaðir

þannig að

stay tuned

Ekki í góðu skapi

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tíman langað til að segja mér eitthvað en ekki getað það?
15. Ætlaru að setja þetta á bloggið þitt?

Inntökuprófin.....íbúðin....

Nú er LHÍ búin að opna fyrir umsóknir fyrir leiklistarnámið, var að klára umsóknina:) Er búin að leigja íbúðina þannig að.......

Já....nenni ekki að blogga


þannig að

Stay tuned

Jeiiiii......ekki nörd.....

Hvað gerist á nýju ári.....

Í dag eru tímamót í mínu lífi, 15 dagur hvers mánaðar skiptir mig miklu máli án þess að ég ætli að fara eitthvað frekar út í það hvað ég á við með því.

Ég er búinn að halda þessu bloggi út núna síðan 2003, reyndar með mismiklum hléum. Ég er búinn að vera að skoða þessi gömlu skrif mín og eru mörg þeirra mjög fyndin svona eftir á:)

Ég vona að þetta ár verði árið sem ég komist í leikistarskóla, ef ekki að þetta verði ár ástar og friðar. Hefði ekkert á móti því að að kynnast einhverri sætri og skemmtilegri stelpu........en það gerist sem gerist:)

Þannig að

stay tuned

Glæpur gegn diskóinu......Mikki Torfa og Jónas hætta....inntökupróf.....

Ég fór með hóp af krökkum úr stúdó á sýninguna sem Aggi ( Agnar Jón Egilsson ) er að setja upp í Borgarleikhúsinu. Fyrir ykkur sem ekki sem vitið hver Aggi er, að þá er hann leikstjóri/leikari og hann leikstýrði stúdó t.d. fyrir áramót. En hann semsagt er að setja upp þessa sýningu ásamt samnemendum sínum úr leiklistarskólanum, þeim Friðriki Friðrikssyni, Guðmundi Inga Þorvaldssyni og Ólafi Darra Ólafssyni og þeir skipa leikhópinn Steypibaðsfélagið Stútur, sem var stofnaður í kringum tíðar sturtuferðir nemenda leiklistarskólans:)

Þetta er semsagt sýningin Glæpur gegn diskóinu. Þetta er nokkuð sérstök sýning, hún er byggð þannig upp að þeir þrír leikarar, Frikki, Gummi og Darri, koma fram hver í sínu lagi með hvern sinn monolog. Frikki byrjar og er á sviðinu í 45 min c.a. og síðan er hlé í 10 min, síðan kemur Gummi og er í 45 min c.a og síðan Darri í endamonolognum og er í 55 min c.a. Með þeim á sviðinu er tónlistarmaður sem sér um tónlistina og kemur með einstaka comment. Skemmtistaðurinn kaffi löve spilar rullu í þessu leikriti og ég get í raun og veru ekki sagt mikið um sýninguna vegna þess að fólk verður eiginlega að sjá það sjálft.

Þess vegna mun ég í raun bara aðeins fara yfir leikarana og þeirra frammistöðu. Verð þó að taka það fram að ég fór á genaralprufu ( Aðalæfingu ) Eins og áður sagði að þá byrjar Frikki sýninguna. Hann leikur "nagla" og það mætti kannski setja út á það, því hann hefur kannski ekki alveg líkamlega burði til þess að vera svona "nagli" Hann er ekkert sérstaklega heillandi karekter sem Frikki er að leika. En hann gerir það bara nokkuð vel.

Gummi kemur svo næstur á svið, ég hef ekkert verið í gegnum tíðina eitthvað rosalegur hrifinn af honum sem leikara en vá hvað hann er rosalega góður í þessari sýningu...vá. Gummi leikur ansi skemmtilegan karakter, mann sem er eitthvað svo "einfaldur" og skrítinn. Monologinn hans er sá fyndnasti í sýningunni tvímælalaust og Gummi er stjarnan.

Ólafur Darri lokar svo sýningunni. Darri er einn af mínum uppáhaldsleikurum. Stór og mikill maður með mikla rödd og bros hans nægir til þess að maður hlær innilega. Darri leikur mann sem er gítarleikari og gerir það nokkuð vel, þó hefði ég viljað sjá hann sem fyrsta karakter, því hann hefur lúkkið í naglann en hann gerir sitt vel eins og hans er von og vísa.

Ég mæli með þessari sýningu...***1/2 af ***** mögulegum.

Mikki og Jónas sáu sóma sinn að hætta sem ritstjórar Dv, hvort að það er að sjálfstæðu eða hvað læt ég liggja á milli hluta. En þeir hefðu mátt gera það áður en þeir komu með lúalega tilraun til þess að verja sína drullublaðamennsku.

Inntökuprófin í LHÍ eru á næsta leyti, mun ég reyna enn og aftur. Í 4 skiptið ( Fullreynt í fjórða ) síðan 2001. Nú síðustu tvö skiptin hef ég komist í lokaúrtökuhópinn og vona ég að ég komist inn í þetta skiptið, án þess að ég sé að segja að fyrri árángur sé ávísun á það...alls ekki. Nú er bara um að gera að koma frískur og vel undirbúinn til leiks og vona að gæfan falli með manni.

þannig að

Stay tuned

Úffff.......DV í dag......og afleiðingar þess

Ég vona að atvikið í dag verði til þess að DV fari aðeins að hugsa sinn gang

Votta aðstandendum mína samúð

Þannig að

Stay tuned

Gleðilegt nýtt ár......A little trip to heaven.....nýr bíll.......Færeyjar again.......

Gleðilegt nýtt ár öll sömul, hef ekki verið sá duglegasti að blogga.....nenni því bara hreint ekki. En ákvað að láta eitthvað svona örstutt fljóta inn á síðuna.

Fór á A little trip to heaven með Kela um daginn og verð bara að segja að ég varð allavegna ekki fyrir vonbrigðum. Þetta er kannski engin öfga góð mynd en hún er samt góð, flott myndataka og góðir leikarar og góð leikstjórn.......mæli með henni allavegana.

Keypti mér nýjan bíl á miðvikudaginn í síðustu viku og fékk hann afhentann í dag, Reanult megane II....er rosa sáttur....feginn að vera laus við Mözdu drusluna, var aldrei nógu ánægður með hana.

Og síðan tókum við vitleysingarnir þá ákvörðun að endurtaka leikinn frá því á síðustu páskum og ætlum að skella okkur aftur til Færeyja núna um páskana....það verður bara snilld....enda eingöngu snillingar sem eru að fara:)

Veit ekki hvað það er með Færeyja en mér finnst þetta bara svo mikið snilldarland.

Þannig að

Stay tuned

KING KONG

Ég fór á KING KONG í gærkvöldi og þvílík snilld........vá maður ef Peter Jacksson er ekki einn sá mesti snillingur í kvikmyndagerðð að þá veit ég ekki bara hvað......

Hún er rosaleg þessi mynd og ef þú ferð ekki og sérð hana að þá......æi þá er það bara þinn missir sko

Þannig að

Stay tuned

Jungle speed

Ég fór á jólahlaðborð á föstudaginn með vinnunni og síðan í sumarbústað. Við vorum nokkur stykki talsins og var rosa gaman. Í þessu geimi voru tveir einstaklingar sem eru að flytja inn spil sem kallast jungle speed. Þetta spil er það allra skemmtilegasta spil sem ég hef spilað nokkurn tímann. Ég reyndar stóð mig alls ekkert vel en þvílík snilld. Mæli með því við alla að kíkja í spilabúð Magna og kaupa þetta spil og spila með vinum og fjölsk yfir jólin.

Síðan er ég að fara að til Færeyja á föstudaginn og verð yfir helgina. Verður gaman að heimsækja brósa og fjölsk. Sjá litlu Rebekku Dís sem er nýasti erfinginn.

Einnig var verið að bjóða mér að taka þátt í verkefni í Borgarleikhúsinu eftir áramót. Veit ekki hvort að ég geti það en það gæti verið rosa spennandi.

Þannig að

Stay tuned

Varð að koma þessu að

Nú þegar hátíð ljóss og friðar er að ganga í garð er mikilvægt að minnast þess að ekki eru allir jafnlánsamir. Fjöldi fólks á Íslandi á erfitt með að ná endum saman um hver mánaðamót og eru jólin því erfiður tími fyrir þennan hóp.

Ungir jafnaðarmenn ætla ekki að láta sitt eftir liggja á aðventunni og hafa boðið Mæðrastyrksnefnd að leggja henni lið.

Aðstoðinni var að sjálfsögðu tekið með fegins hendi og ætla Ungir jafnaðarmenn að fjölmenna í gamla Ó Johnson og Kaaber húsið í Sætúni (snýr út að Sæbraut rétt hjá Höfða) fimmtudaginn 22. desember næstkomandi og aðstoða Mæðrastyrksnefnd.

Áhugasamir eru beðnir að skrá sig hjá framkvæmdastjóra UJ á netfangið: jens@samfylking.is eða í síma 698 7755.

Við hefjumst handa kl 9.00 en einnig er hægt að mæta í hádeginu fyrir þá sem eru vinnandi.

Við þurfum að láta Mæðrastyrksnefnd vita hversu margir ætla að mæta í næstu viku og því biðjum við þá sem ætla að mæta að senda póst á fyrir kl. 18 miðvikudaginn 14. desember.

Nauðsynlegt er að fram komi nöfn þeirra sem ætla að mæta, hvenær þeir geta komið og hversu lengi þeir geta verið.

Stjórn Ungra jafnaðarmanna hvetur alla til að koma og taka vini og ættingja með.

Með von um góðar undirtektir,
Jens

Jamm og jæja þá er það pólitíkin

Veit ekkert hvort þið munið nenna að lesa þetta, er ekkert of viss um það but here it goes.

Ég er búinn að lýsa því yfir hér áður að ég sé samfylkingamaður og skammast mín ekkert fyrir það, ég er meira að segja í stjórn Ungra Jafnaðarmanna og hef brennandi áhuga á pólitík og öllu sem því við kemur. Fram að þessu hausti hef ég ekkert verið eitthvað rosalega aktívur í póltísku starfi, aðeins komið nálægt því. Ég hef haft mjög gaman að því að rökræða pólitik við vini mina og fólk sem er í kringum mig.

Það að ég sé samfylkingamaður og starfi innan þess flokks liggur það í loftinu að sé á móti núverandi ríkisstjórn og mun ég ekkert draga dul á það. Mér finnst kominn tími til að stjórnvöld sem hafa hagað sér með þeim hætti eins og núverandi ríkistjórn hefur gert, dragi sig í hlé. Þeir eru búnir að vera við völd of lengi og eru hættir að sjá út fyrir kassann. Gott dæmi er öryrkjamálið, ok þetta er kannski orðið þreitt en samt, það hvernig öryrkjar hafa það í þessu landi er okkur til skammar. Við montum okkur að því að vera svo rosalega rík og allt sé í svo miklum blóma......djö kjaftæði alltaf hreint. Það að þessi ríkistjórn skuli ekki sjá sóma sinn í því að þeir sem eiga erfitt í þessu landi skuli getað lifað sómasamlega er ekket annað en hræsni í ljósi þess að þeir eru að henda tugum ef ekki hundruðum milljóna í sendiráð hingað og þangað um heiminn en geta ekki búið þessum hópi fólks almennileg lífsskjör.

Og síðan er það blessaðu eldri borgarar þessa lands. Fólk sem hefur komið þessu landi á þann stað sem það er, útúr moldarkofunum, það er látið dúsa á elli/hjúkrunarheimilum sem eru ekki einu sinni rottum samboðið. Hvað er það bara að Amma mín þurfi að búa til kleinur og selja til þess að hafa salt í grautinn, manneskja sem er búin að vinna allt sitt líf.

Ein besta vinkona mín er 2gja barna móðir, hún er einstæð. Þessi manneskja er ein af þeim sem eiga alla mína virðingu skilið og ég dáist að henni og það kemur ríkistjórninni ekki rassgat við. Hún er eins og áður sagði 2gja barna móðir og hún er í skóla en það er ekki mikið meira en það sem hún getur gert og hún gerir það bara á dugnaðinum og hörkunni einni saman, því að hún vil og ætlar að læra það sem hún vill og fær hún ekki mikinn stuðning frá yfirvöldum til þess, heldur er það dugnaður og kraftur sem einkennir hana.

En það eru ekki allir jafn heppnir og hún, það eru dæmi þess að einstæðar mæður eru á götunni með börn sín, þurfa að leita til hjálparstofnana um hver mánaðarmót til þess að geta lifað af, jafnvel að ganga svo langt að fara í viðtal við DV til þess að vekja athygli á sínum aðstæðum, þær fá hvergi fyrirgreiðslu.

Starfsfólk í leikskólum og umönnunarstörfum eru að vinna ein þau mikilvægustu störf sem unnin eru í þessu landi og fólk er ekki að vinna þar vegna góðra launa, fólk er að vinna þessi störf af hugsjón og af ánægju, ég þekki það af eigin raun. Ég er að vinna á leiksskóla aðra hverja viku, það er tekinn af mér fullur skattur og ég er að fá 28.000 útborgað, ef ég væri ú fullu starfi og með skattkort væri ég að fá í hendurnar um 90.000. kr. Fyrir fullt starf. Móðir mín er að vinna við ummönnun eldri borgara, eftir 18 ár í starfi er hún að fá 70.000 + í hendurnar, reyndar fyrir 65% starf en samt.....18 ára óeigngjarnt starf.

Með þessu er ég ekki að segja að það sé allt ómulegt í þessu landi, ég hef það fínt að mörgu leyti og við megum vera þakklát fyrir margt en það að að ein ríksta þjóð í heimi skuli ekki sjá sóma sinn í því að allir skuli vera jafnir óháð kyni, aðstöðu,litarhætti heldur eingöngu hyggla þeim sem eru vel stæðir nú þegar og bilið milli ríkra og fátækra gerir ekkert nema að stækka, er til háborinnar skammar.

Það er kominn tími á breytinga og samfylkingin er það afl sem mun gera það. Nú er mikið rætt um að Ingibjörg Sólrún sé óhæfur formaður og sé að sigla flokknum í strand, við þá sem halda þessu fram vil ég aðeins segja þetta. talið um það sem þið hafið vit á. Það eru 18 mánuðir til alþingiskosninga og þá mun flokkurinn sína yfirburðastöðu sína. Sjálfstæðisflokkurinn var í nækvæmlega sömu stöðu í skoðunarkönnunum rétt eftir að Davíð tók við, það tók hann tíma til þess að ná að skerpa á hlutunum, nú er komið að okkur.

Þetta mun verða áframhaldandi hjá mér, ég mun framvegis skrifa um pólitík og mínar hugsjónir hér, ekki eingöngu heldur þegar við á. Einnig mun ég á næstu dögum kynna hver ég er og mínar hugsjónir. Það sem fram kemur hér að ofan er eingöngu það sem er á allra vörum og þar af leiðandi ekki eitthvað sem er bundið við mig. Næsti pistill mun fjalla um framsókn og Halldór Ásgrímsson, mann sem situr sen forsætisráðherra, forsætisráðherra sem er með formaður í flokki sem er með 11% fylgi. Það myndi hvergi annarstaðar ganga upp í vestrænu lýðræðislandi

Þannig að

Stay tuned

úfff......hvað á maður nú að gera?

Jamm og jæja, þá er törnin búin og leikritið Blóðberg er búið að eiga sína síðustu stund í bili á sviði loftkastalans. Sýndum við á föstud lokasýningu og var það nokkuð gaman en samt skrítið. Það fengu ýmsir hlutir að fjúka sem ekki hafa fengið að fjúka fyrr og setningum bætt við og grínið meira og stærra....smá svona lokasýningarflipp.

Annars er ég rosa stoltur af því að hafa fengið tækifæri á því að kynnast og vinna með öllu þessu frábæra fólki sem stendur að stúdentaleikhúsinu. Þetta var magnað tímabil, strembið og svoldið pússlerí og svona en engu að síður æðislegt. Ég kom þarna inn, þekkti engan, ekki einu sinni stúdent og þar af leiðandi ekki einu sinni í HÍ en samt var tekið vel á móti mér og ég tel að þarna hafi ég eignast vini sem muni verða það áfram þótt að þetta tímabil sé búið í lífi okkar allra. Takk elskunar mínar....þið eruð æði.

Annars virðist ég ekkert ætla að losna við þetta blessaða kvef/hálsbólgurusl. Var laus við það í nokkra daga og er síðan komið aftur af fullum þunga....æðislegt eða hitt og heldur.

Ég fór í klippingu í dag, það er kannski ekki frásögu færandi ef ekki væri fyrir þann pening sem þetta kostaði mig, 8.600 kr takk fyrir, klipping og strípur. Ok jú þetta er vel gert og allt það og stofan gegggjuð og allt en þetta ekki samt komið í öfgar þegar fólk er að borga vel á 10.000 þús í klippingu?

Ég reyndar er það heppinn að hárið á mér vex óeðlilega hægt þannig að ég þarf ekki að vera að spá í þessu á daglegum basis.

Er að spá í það hvort að ég eigi að opinbera mig hér í netheimum, ég nebbilega þori alveg að standa við það sem ég skrifa og svona og það er engin mistík í því að vera einhver huldumaður þótt vinir mínir viti alveg hver ég er sko......ætla að spá í þessu eitthvað áfram

Þannig að

Stay tuned

Ps: Fór á Brim í gær, mun skrifa gagnrýni fljótlega