Sigur Rós.....Takk.......eins sú mesta snilld sem ég hef heyrt

Keypti mér nýju plötuna hjá Sigur Rós í dag.......og vá maður lifandi.....það er ekkert skrítið að þessi plata er að fá þá dóma sem hún fær og það er ekkert skrítið að þeir séu svona vinsælir.......rosalega falleg og æðisleg plata.....mæli hiklaust með henni við hvern sem er

Einnig verð ég að segja ykkur að þið verðið að kynna ykkur tónlistarmann sem heitir Jack Johnsson.....rosalega góður tónlistarmaður en

Grjóni lögfræðingur

kynnti mig fyrir honum, reyndar alveg eins og með þegar hann kynnti mig fyrir bróður sínum honum Damien Rice

Þannig að

Stay tuned

Ok, eins og þið sjáið að þá missti ég mig aðeins í þessum prófum.....

en þetta er bara svo gaman, en ég mun reyna að gera eitt og eitt svona reglulega, ekki allt í einni röð

Þannig að

Stay tuned

Bessi Bjarnasson látinn

Einn albesti gamanleikari þjóðarinnar kvaddi þennan heim í gær. Ég man eftir því þegar ég var lítill að hlusta á dýrin í hálsaskógi og hann var þar í sínu hlutverki sem Mikki refur. Ég votta aðstandendum Bessa mína samúð.

Þannig að

Stay tuned

Ok getur einhver sagt mér hvað er málið!!!!!!


Ég satt best að segja að ég ekki undir neinum kringumstæðum skil allt þetta thing í kringum þessa stelpu Ég meina, æææææ.....ég nenni varla að spá í þessu, en bara varð að setja þetta á síðuna.

Annars er allt við það sama

Þannig að

Stay tuned

Ammælisboð.....Hressó.....Afrískar fléttur

Jamms minn fór sko í ammælisboð hjá Tilvonandi Frú Lögfræðingur en hún varð 25 ára á föstudaginn, til hamingju með það. En þetta var líka svona rosa mikið stuð, mikið hlegið og mikið gaman, alltaf gaman að kynnast nýju fólki en það gerði ég einmitt þarna, fólki sem ekki væri verra að þekkja betur.

En eftir að hafa setið fjögur saman ( hin voru einhverstaðar í húsinu eða farin á Hressó, Lögfræðingurinn og Konan hans fengu gefins ísskáp á chattii við nágrannan ) í góðan tíma og spjallað saman um pólitík, kárahnjúka, ítalíu og slóveníu, Nígeríu og afrískar fléttur að þá var ákveðið að fara á hressó.

Þegar þangað var komið að þá var farið að dansa og eitthvað, massa stemmari í húsinu og FM hnakkinn hann Heiðar Austmann var að Dj- a píkupoppinu hægri vinstri. En mikið var nú gaman að vera skýr í kollinum og horfa á mikið af þessu liði þarna, sem eru í sömu sporum og ég var fyrir nokkrum árum, ekki langar mig í það maður.........

En ég veit það ekki, þetta var rosa gaman og rosalega góður félagsskapur og allt það, en þegar ég vaknaði á Laugardagsmorguninn með þessa rosa "þynnku" ef svo má að orði komast, hausverk eftir tónlistina, reykjarmökkinn og fötin illa lyktandi að þá veit ég það að ég nenni ekki að standa í þessu um hverja helgi.

En í gærkveldi að þá fór ég og hitti Lögfræðinginn & Konu hans og á nýja heimilinu þeirra, sátum við og átum pizzu og gláptum á myndir. En á meðan við vorum að glápa að þá ákvað Tilvonandi frú lögfræðingur að taka úr sér afrísku flétturnar sem hún var með í höfðinu eftir förina til Nígeríu og ég og kallinn hennar ákváðum að hjálpa henni, tók einhverja tíma, en var vel þess virði að sjá hárið á henni eftir það.....það var bara eins og 1985 væri komið aftur.......algjör snilld

en ég skrifa meira seinna

Þannig að stay tuned

Orðinn íbúðareigandi

Já minns er orðinn íbúðareigandi,búinn að skrifa undir og ég veit ekki hvað og hvað:) Nú er bara eftir að fara og versla sér parket. Fór og skoðaði áðan og mikið er þetta dýrt.....bara skil þetta ekki.

Hitti mann á kaffibrennslunni í gær, það er kannski ekkert í frásögur færandi, en það var mjög gaman og fróðlegt að spjalla við hann. Hann gaf mér hugmynd sem ég get ekki skýrt frá alveg strax en mér leist vel á þessa tillögu hans og er alvarlega að hugsa mig um að framkvæma hana. Þegar ég er búinn að taka ákvörðun og þegar þetta verður allt ljóst að þá mun ég láta ykkur vita;)

Síðan er ég að fara til spánar eftir nokkra daga, verð í viku á einhverju það flottasta hótelinu á alicante, mamma og pabbi fara með mér og þetta verður vonandi geðveikt stuð.

Annars finnst mér alltaf jafn gaman að lífinu og er að fá að upplifa magnaða hluti og bara stemmara:)

Þannig að

Stay tuned

Hugsanir um ekki neitt........er það til?

Sit hér á Kaffibrennslunni og drekk latte og reyki.......voða healthy eitthvað:)
Hausinn á mér er eitthvað svo rólegur, óvanalegt en svona er þetta víst þegar maður er í góðri tengingu. Fór áðan uppí leiklistardeild. Mikið rosalega langar mig til að vera nemandi þarna....vá hvað ég óska þess að Guð gefi að það megi verða, þannig að ég þurfi ekki að fara til útlanda til þess að læra það sem hugur minn og hjarta stefnir á.

Ekki það að ég sé eitthvað ósáttur við það að vera að gera það sem ég er að gera þessa dagana, alls ekki, en þessi þrá til að verða leikari hefur ekkert gert annað en að vax og jafnfram líka þroskast. Það sem áður ég stefndi að, .þ.e.a.s. heimsfrægð og peningar hefur vikið fyrir þeirri þrá að læra og þroskast sem leikari og hafa jafnframt nóg fyrir mig og mína.

Sá einmitt Hannes, Stebba og Bjart á laugardaginn ( þeir voru með mér í lokahópnum í vor og komust inn ) og mikið væri ég til í að vera með þeim í bekk maður.

Þannig að ég er bara búinn að vera að skoða handrit með það í huga að fá monuloga fyrir vorið og Jakob ætlar að vera mér innan handar eins og síðast. Snillingur sem hann er. Síðan er möguleiki á að maður fái eitthvað að talsetja fyrir hann....það væri auðvitað snilld.

Sá eina bestu mynd sem ég hef séð, motorcycle Diaries, ævisaga byltingaforingjans Che Guevara, eða semsagt saga hans frá 23 - 24 ára aldurs, áður en hann varð þessi byltingasinni. Hann fór ásamt vini sínum í mótórhjóla road trip frá Argentínu til Venuzela og fjallar þessi mynd um það og hvernig þessi ferð breytti honum og kveikti hjá honum þessar hugmynd um að eyða stéttarskiptingu. Allavegna varð ég heillaður af þessari mynd og af Che, jú hann var morðingi og allt en ég skil hugsjónir hans, en er ekki sammála framkvæmdinni. ég mæli hiklaust með þessari mynd við hvern sem er.

Er síðan alltaf jafn hissa á þessum kærleika sem býr í brjósti mínu, mér finnst magnað að ég þurfi ekki lengur að vesenast í ýmsu kjaftæði sem ég var að vesenast í áður fyrr. Að eiga Mömmu & Pabba sem trúnaðarvini og fjölsk mína að er geggjað. Ok þetta er kannski væmið en þannig er ég og skammast mín ekkert fyrir það. Ég elska vini mína og fjölsk og ber kærleika til samferðarfólksins míns ( reyni það allavegana )

Mest mikilvægustu persónunar í mínu lífi eru, Mamma & Pabbi, Stóru Bróannir mínir og fjölsk þeirra. Síðan eru vinir mínir þarna á meðal, s.s. Emmý og Bragi, Keli, Eyja, Eiríkur og Elín ofl ofl.......þið vitið vonandi hverjir þið eruð.

Er svo innilega þakklátur elsta bróanum mínum fyrir það að hleypa mér inná síg og sína family, leyfa mér að búa og borða þar, þangað til að ég fæ íbúðina afhenta. Takk Takk Takk.........

Æi ég vona að ég geti sýnt öllum þeim í kringum mig væntumþykju mína í verki, þótt ég segi það kannski ekki með orðum.

Þannig að

Stay tuned

Strákarnir Okkar

Ok

Ég semsagt fór á frumsýningu á myndinni strákarnir okkar eftir Robert Inga Douglas.

Ég fór með nokkuð miklar væntingar í bíóið, því að ég er mikill aðdáandi Ísl draumsins og maður eins og ég ( hinar myndirnar hans RID )

Og ég get með sanni sagt að ég varð ekki fyrir vonbrigðum, síður en svo. Þessi mynd er mikil snilld, uppfull af lúmskum húmor og skemmtileg heitum

Það er líka fyndið hvernir þeir gera grín að þessum fordómum sem ríkja í garð samkynhneigða, og þeir kannski ýkja það ef eitthvað er, en það missir samt ekki marks.

Leikararnir voru flest allir að standa sig mjög vel. Björn Hlynur var yndislegur sem Óttar og ég satt best að segja skil ekki krítígina sem kom í Mogganum í dag "að Björn Hlynur væri álíka trúverður hommi eins og Arnold Swazznegger var sem óléttur maður í Júníor"

Nú veit ég ekki hvort að gagnrýnandi Moggans hafi fundist það skrítð að sjá mann leika homma og ekki þurfa að tala kvennlega eða vera kvennlegur til þess að geta gert hlutverkið að sínu, en það liggur í orðum hans að maður þurfi að uppfylla einhverjar steríótípuímynd til þess að geta leikið homma og verið trúverður. Ég er algjörlega ósammála þessum gagnrýnanda, fannst Björn standa sig frábærlega.

Lilja Nótt leikur Guggu og skilar sínu, en kannski ekkert meira en það

Sigurður Skúlasson leikur pabba Óttars og þjálfara KR og sýnir enn og aftur snilldarleik. Þessi maður er snillingur.

Víðir Guðmundsson leikur " Danna " að ég held ( man það ekki alveg ) sem er kærasti Óttars, og fær Víðir mikið respect frá mér fyrir sinn þátt í myndinni. Skilar sínu mjög vel

Jón Atli Jónasson, co writer að handriti leikur bróður Óttars og Jón ásamt Arinbirni eru senuþjófar þessara myndar. Jón er yndislega mikil asni og vibbi að það hálfa væri meira en nóg. Algjör snilld

Arinbjörn Björnsson leikur son Óttars og vá....mikið efni þar á ferð, enda sonur Björns Inga Haraldssonar og Eddu Heiðrúnar.

Helgi Börnsson & Björk Jakobs leika hjón sem sjá um Pride united og eru virkilega flott "hjón" og skemmtileg viðbót við myndina.

Ég mæli með þessari mynd fyrir alla sem vilja skemmta sér vel og innilega í bíó

***** af ***** mögulegum

Halló

Sit hér á súfistanum í Hafnarfirði, er að bíða eftir henni Eyju. Ég fer síðan að vinna á eftir og verð í fyrsta skiptið einn, það verður vonandi bara fínt.

Er ekkert viss um að Íbúðin verði tilbúin á þeim tíma sem gefinn er upp, en ég er svo sem ekkert heldur að stressa mig á því.

Jæja, ég bið að heilsa

þannig að

Stay tuned

Jæja Jæja...............

Maður hefur nú ekki verið kannski sá duglegasti við að blogga undanfarna mánuði, en maður bætir kannski eitthvað úr því.
Þetta sumar er búið að vera ansi viðburðarríkt. Það byrjaði á því að ég fór til USA með vinnunni og var þar í viku, virkilega gaman og gefandi. Fórum m.a. að skoða verndarsvæði indjána ofl. Þessi ferð var bara snilld og gaman að koma til USA. Og bara verð að segja að allir sem maður hitti voru virkilega viðkunnaleg og hjálpsöm.

Síðan gerðist það í Júlí að ég missi vinnuna vegna skipulagsbreytinga og þannig að þar hófst enn eitt tímabilið í mínu lífi. Ég átti virkilega gott ár á þessum stað og tel að ég hafi þroskast mikið á þessum tíma og mun ég horfa til baka með miklu þakklæti.

En í Júlí fórum ég og Keli til Mílanó með það að markmiði að interraila um evrópu, .þ.e.a.s. ítalíu, Slóveníu og Serbíu. Áttum við tveggja vikna ferð fyrir höndum. Við komum till Mílanó á kveldi Þriðjudags og fórum á hótelið sem við áttum pantað þar. Daginn eftir ætluðum við að leggja af stað til Slóveníu. Við komust ekki þann daginn vegna þess að hraðbanki á ítalíu gleypti kortið mitt og urðum við að dvelja þar einum degi lengur. Verð að segja fyrir mitt leyti að ég skil ekki afhverju Mílanó er vinsæll staður til að dvelja á.

Við fórum til Slóveníu á fimmtudegi og það fór þannig að við eyddum mest öllum tímanum þar. Slóvenía er mikið snilldar land. Við gistum á hóteli sem var 40 min frá Ljubljana sem er höfuðborg Slóveníu. Hótelið heitir hotel Trojane og er uppí fjöllum þarna og virkilega kósy og æðislegt. Fólkið þar er mikil snilld og Igor, hótelstjórinn meira að segja keyrði okkur útúm allt í Ljubljana, til þess að kynna okkur fyrir borginni. Fallegt land, ódýrt og fólkið miklir snillingar.

Síðan þegar heim var komið að þá tók við þriggja daga ferðalag um vestfirði með fjölskyldunni. Síðan þegar liðið var á Júlí að þá fékk ég vinnu í RVK við svipað og það sem ég hef verið að gera, þannig að það er mikil snilld. Síðan er ég búinn að kaupa mér íbúð í Hafnafirði, fæ hana afhenta eftir um mánuð, jafnvel fyrr. Alveg glænýtt kvikindi og búinn að versla mér borðstofuborð og stóla og alles.

Já minns er orðinn fullorðinn. Síðan er maður bara að byrja að undirbúa sig fyrir inntökuprófin í vor, verð að öllum líkindum eitthvað í hljóðsetningum í vetur.

Læt þetta duga í bili

Þannig að

Stay tuned

We are the champions!!!!!!!!!!

Liverpool vann í gær evrópumeistaratitilinn og er það algjör snilld, þvílík endurkoma hjá þessu liði og þvílík barátta.............algjör snilld. Loksins loksins er kominn stór titill hjá mínu liði, vona bara að þetta er það sem koma mun:)

Ingibjörg vann eins og flestir vita og er það bara gott mál. Össur gerði góða hluti og ég vildi ekki að hann myndi hætta en Ingibjörg vann fair and squire og því stendur maður með henni og styður:)

Er að fara til London á morgun og svo til USA á laugardag, algjör snilld, hlakkar mikið til að fara þangað, hef aldrei komið til USA og verður það vonandi gaman

Þannig að

Stay tuned........

Formannskjör í Samfylkingunni.

Mig langar til að deila með ykkur mínum kynnum af Össuri Skarphéðinssyni og störfum hans. Um jólahátíðina 2003 skrifaði ég opið bréf til Þorgerðar Katrínar Gunnarsdóttur sem þá um áramótin tæki við starfi Menntamálaráðherra. Einnig sendi ég þetta bréf til allra alþingismanna og á alla fjölmiðla. Þetta bréf innihélt spurningar mínar og vangaveltur um stöðu Listaháskóla Íslands og stöðu Lánasjóðs Íslenskra Námsmanna gagnvart fólki sem hefði hug á að sækja listanám erlendis. Eins og fyrr segir, sendi ég þetta bréf á alla alþingsmenn Íslands. Sendi ég þetta bréf laust eftir miðnætti þann Annan í Jólum og bjóst svosem ekki við að fá svar strax frá neinum þingmannanna. Það sem gerist í framhaldinu er að um 03:30 sömu nótt fæ ég bréf frá Össuri Skarphéðinssyni þar sem hann biður mig um frekari upplýsingar og fleira um þetta tiltekna bréf. Sendi ég honum það sem hann bað um sömu nótt og fékk svar aftur til baka.

Það sem gerðist í framhaldinu er það að Össur kom mér í samband við Björgvin G Sigurðsson og Katrínu Júlíusdóttur alþingismenn og þau héldu málinu áfram. Össur hélt málinu einnig áfram með því að vera í sambandi við mig í gegnum netpóst. Össur var eini alþingsmaður íslendinga sem svaraði mér, og það að nóttu Annan í jólum. Að mér vitandi hafði Össur ekki vitneskju um það að ég væri flokksmaður Samfylkingarinnar. Þetta er aðeins eitt dæmi um elju og þá hugsjón sem Össur hefur sem pólitíkus. Össur er maður fólksins og er tilbúinn til þess að leggja mikið á sig til þess að vinna fyrir það, það hefur hann sýnt og sannað.

Össur er mjög svo öflugur leiðtogi. Það sýndi sig virkilega í fjölmiðlamálinu á síðasta ári og einnig í því að hann hefur leitt Samfylkinguna í það að vera miðlungsflokkur í skoðannakönnunum í það að verða næst stærsti stjórnmálaflokkur Íslands. Nú síðast í skoðanakönnun Gallup þann 2. maí mælist Samfylkingin með 32% fylgi en betur má ef duga skal og ég trúi því að Össur muni fá það traust flokksmanna sem hann á svo sannarlega skilið og við munum veita honum brautargengi til þess að leiða flokkinn áfram og með það traust á bakinu muni honum ásamt öflugri forrustu takast að sigra stórsigur í næstu alþingiskosningum sem verða 2007 að öllum líkindum og Samfylkingin muni verða leiðandi afl í næstu ríkisstjórn.

Helgina 20. – 22. maí næstkomandi mun það koma í ljós hvor verður formaður mjög svo öflugs stjórnmálaflokk, núverandi formaður Össur Skarphéðinsson eða Ingibjörg Sólrún Gísladóttir núverandi varaformaður og tilvonandi þingmaður. Ingibjörg er svo sannarlega góður leiðtogi og góður pólitíkus en ég sé ekki ástæðu til þess nú að skipta um formann, sérstaklega ekki ljósi góðs árangurs flokksins í mörgum mikilvægum málum og í skoðanakönnunum. Því hefur Össur nú þegar fengið mitt atkvæði og hvet ég alla til að kjósa, hvort heldur sem það er Össur eða Ingibjörg. Þitt atkvæði skiptir máli.

Færeyjar eru snilld

Ég komst ekki inn í skólann í þessari tilraun krakkar og því reynir maður aftur að ári, en til þeirra sem komust inn, innilega til hamingju þið eigið það skilið:)

Ég hefði glaður viljað vera einn af ykkur en svo er ekki þannig að maður kemur vonandi sterkur inn á næsta ári og enda ári á eftir ykkur.

Færeyjar eru snilld, og ekki skemmdi félagsskapurinn fyrir.

Er á leið til Mílanó í Júlí, ætla síðan að interraila þaðan

þannig að

stay tuned

Sjálfskipað blogg bann

Já krakkar mínir, ég ákvað í byrjun Mars að vera ekkert að tjá mig á netinu. Ástæðan er einföld, ég er búinn að vera undanfarnar 3 vikur í inntökuprófsferli á vegum Leiklistardeildar LHÍ. Kannski sem betur fer tók ég þessa ákvörðun, þeir sem fylgjast með DV skilja mig, en fyrir ykkur hin að þá skal ég útskýra.

Þannig var að það voru ákveðið margir sem sóttu um í deildina, þeir allir eru boðaðir í inntökupróf, ok gott og vel. Síðan á Mánudegi er tilkynnt hverjir komist áfram í frekari skoðun ef svo má segja, og voru það 34 einstaklingar. Nema hvað að allt í einu tekur DV sig til og birtir hluta af þeim nöfnum sem eru komnir áfram í þennan hóp!!!! Hvað er bara málið með það?

Það er ekki eins og DV birti nöfn þeirra sem sækja um á félagsfræðibraut MH eða í læknadeild HÍ.......Þvílík og önnur eins frétt, eða hitt og heldur.

Ok, síðan af þessum 34 voru 18 kallaðir til í seinasta tékk outið fyrir inntöku, og var ég einn þeirra heppnu, og kláraðist það ferli á Föstudaginn, en alla síðustu viku reyndi DV að komast að því hverjir væru í þessum 18 mannahópi, og þegar það gekk ekki að þá kom sú allra lélegasta tilraun sem ég hef séð til þessa, til að búa til frétt. Æi greyin mín hjá DV finnið ykkur eitthvað annað fréttaefni, eitthvað sem skiptir máli.

En hvað um það, þessi síðasta vika var snilld, erfið en snilld. Þessir 17 krakkar sem voru með mér í þessum prófum eru snillingar, og var virkilega gaman að fá tækifæri til að kynnast þeim öllum, hvernig sem fer, en það fæ ég að vita á morgun........Smá spennó í maga:)

Ég verð að nefna það að lokum, ég fór og hitti alla þessa krakka í smá geymi á Föstudagskv á stúdentakjallaranum, og þar var í gangi Stand up, á ensku. Og þar var sú allra fyndnasta stelpa sem ég hef séð, því miður kann ég ekki að skrifa nafnið hennar en hún var virkilega virkilega fyndin og sexý í þokkabót.

Læt vita hvort ég hafi komist inn eður ei

Þannig að

Stay tuned.....

Jaaaaa..........komið soldið síðan síðast

Það er ekki eins og maður sé duglegasti blogger í heimi krakkar. En það er í raun ekkert að frétta, minns er að fara í inntökuprófin á fimmtudaginn, fyrsta holl og síðan er að sjá hvort að maður geri betur en síðast??

Er að fara til færeyja í páskafríinu þannig að það er bara bjart framundann, vildi bara láta vita að ég sé ekki dauður

Þannig að

Stay tuned

Gleðilegt Ár

Gleðilegt nýtt ár og takk fyrir það gamla. Megi nýtt ár verða ykkur góð og megi Guð ávallt vera með ykkur og færa ykkur farsæld og hamingju.

Gleðilegt ár 2005

Kveðja

Leikarinn

Veraldarlegt drasl

Er búinn að vera að velta hlutum fyrir mér, hvað er það sem gerir það að verkum að maður verður heltekinn á því að þurfa að eiga allt það flottasta og bestasta.

Eins og með mig, hér áður fyrr að þá "þurfti" ég að eiga flottan bíl, fallega konu og nóg af pening til þess að allt yrði ok fattiði, og skipti þá engu máli að ég gat ekki borgað reikningana og var með fullt af lögfræðingum á bakinu og drasl, allt það skipti engu máli svo lengi sem allt væri "ok" útávið.

Í dag að þá horfi ég á líf mitt, og jú ég á flottan og góðan bíl, enga konu, nóg af skuldum og það skiptir mig engu máli, því að ef ég á ekki í góðu sambandi við foreldra mína og vini og fjölsk, ef ég er ekki að sinna vinnunni minni, ef ég er ekki heiðarlegur við fólkið í kringum mig að þá bara einfaldlega er ég ekki í góðum málum.

Það sem ég er að reyna að segja er það að allt það veraldlega skiptir mig minna máli í dag einhvernveginn, það sem skiptir mig máli er það að ég sé að sinna mér andlega, sé góður við fólkið í kringum mig, borga reikningana mina á réttum tíma, sinni vinnunni minni heiðarlega, sé heiðarlegur og komi vel fram við það fólk sem ég mæti á lífsgöngu minni.

En eins og allir að þá er ég ekki fullkominn og geri því mistök eins og aðrir, en ef ég læri af mistökunum, haga mér í samræmi við mína lífsstefnu að þá getur mér ekki annað en farið fram.

Læt þetta duga í bili af heimspekiliegum pælingum mínum, óska ykkur öllum gleðilegra jóla og farsæls komandi árs. Mér þykir vænt um ykkur

Þannig að

Stay tuned

Gleðileg jólin

Kominn frá London og var það eins geggjað og frábært og ég hafði vonað. Takk Eiríkur & Elín, Óli & Njóla & Keli fyrir frábæra ferð og endalausan vitleysisgang.

Sáum we will rock you, söngleikur með tónlist e Queen og var það í einu orði sagt geggjað, algjör snilld, ef þú ert á leið til London, sjáðu þá Þessa sýningu.

Annars ef fólk er e-d að spá í það hvers vegna að það hafi ekki fengið jólakort frá mér, að þá er það ekkert persónulegt, ég bara tók þá ákvörðun að þangað til að ég er búinn að finna mér konu sem nennir að skrifa á kortin fyrir mig að þá sendi ég ekki kort. Mér þykir samt vænt um ykkur:)

Þannig að

Stay tuned

Jólageðveikin í fyrirrúmi

Minns fór og skellti sér í langþráð helgarfrí um síðustu helgi, og svo sem ekkert nema gott um það að segja, en málið er að þegar að það líður langt á milli fría að þá hefur maður minni tíma til að hitta fólkið sem maður vill hitta og eyða smá tíma með því, þannig að það endar alltaf þannig að maður nær bara að hitta brotabrot af vinum sínum/ættingjum. Ætla ég að gera breytingu á því núna á næstu dögum þar sem að ég er að fara í tveggja vikna jólafrí:)

En semsagt ég fór í frí og byrjaði á því að kíkja á skagann og heilsa uppá mömmu og pabba og svona, síðan fór ég í bæinn og hitti Daða & Huldu og Friðþjóf í smátíma og það í smáralindinni, þvílík geðveiki maður, ok síðan hitti ég Braga og Emmý og spendaði kvöldinu með þeim og fór síðan á skagann og daginn eftir í RVK og í smárlindina og það var enná meiri geðveiki, öll börn orðin meira og minna geðveik ég veit ekki hvað, eyddi hluta af deginum og kveldinu með Braga og Emmý, þau eru æði og ekki að óskekju sem þau hafa linkinn bestu vinirnir, mér þykir óendanlega vænt um þau.

Og síðan fór sunnudagurinn bara í chill í faðmi familýunnar.

Er að fara til London á Laugardagsmorguninn, það verður vonandi geggjað, kem aftur á Miðvikudaginn, ætla að reyna að kaupa restina af jólagjöfunum þar:)

En ég nenni ekki að skrifa meira, er að setja mig mentaly inná það að gera mig klárann fyrir innntökuprófin,þau verða í Mars og eins gott að maður standi sig þannig að maður geti labbað í burtu stoltur, hvernig sem fer.

Þannig að

Stay tuned.......

Vóóóóóóóóóó´.......................................


Langt síðan síðast krakkar:)

Það er allt gott að frétta af mér, er fluttur á leynistaðinn og líkar æðislega. Er að fara til köben á Fimmtudagsmorgun með Kela og Arnþóri, verður algjör snilld vonandi, og síðan fer ég til London í des, búinn að bóka og alles.

Eldaði snilldarmat fyrir Braga & Emmý á laugard, og verður það að segjast eins og er að þetta var lostæti, með því betra sem ég hef fengið, og þau líka. Sá litlu frænku, dóttir Gunna og Kristínar, hana Anítu á föstudagskv og dafnar prinsessan vel rosa kát og sæt. ( er 8 mánaða, bara til að fyrirbyggja miskiling og ég var ekki að sjá hana í fyrsta skipti)

Sí jú leiter