Stal þessu af Barnalandi.is

Þetta er með því fyndnara sem ég hef lesið


Nú skaut maðurinn minn sig rækilega í fótinn!
Jæja ég vona að ég hneyksli enga viðkvæma sál núna, c",) Maðurinn minn er staddur í útlöndum svo sem ekki í frásögur færandi. Nema hvað að hann er með alveg einstaklega perralegan einkahúmor og hefur átt það til að vera senda mér allskyns typpamyndir í símann minn. Gert mig vandræðalega á alvarlegum fundum og svoleiðis. Nema hvað, fær þessi elska ekki svona grallarahugmynd í dag. Hann gengur þó lengra en hann hefur nokkurn tíma gert og tekur mynd af sjálfum sér! Já nöktum. Sendir svo myndina með afskaplega fögrum skilaboðum sem segja "sakna þín, þinn Big Daddy". Svo undrast hann verulega að hann fær ekkert svar, ég er vön að svara svona ósóma med det samme. Jæja hann gefur þessu smá tíma og hringir svo í mig. Spyr mig hvort að ég hafi ekki verið að fýla húmorinn. Ég kem alveg af fjöllum. Nákvæmlega enginn hringt í mig eða sent mér skilaboð í dag. Þá fór nú aðeins um hann karlangann minn og hann segist ætla að athuga þetta betur. Svo hringir hann aftur 5 mínútum seinna, röddin skjálfandi og ekki laust við að hann var klökkur. Segir mér tíðindin, hann sendi skilaboðin til PABBA MÍNS! Við erum með eins númer nema síðasti stafurinn er annar og einhvernveginn klúðraði hann þessu svona ægilega. Þannig að nú get ég verið nokkuð örugg um að vera laus við þessar mynd-sendingar hans í framtíðinni c",)

Þannig að

stay tuned

Bla bla bla bla bla..........................

Hef ekkert að segja frekar en fyrri daginn, ákvað bara aðeins að láta vita af mér. Er bara farinn að hlakka til að fara til köben í nóv og reyndar síðan að velta fyrir mér að fara til London í Des. Ef einhver vill koma með þá er það velkomið:D En til þess að fyrirbyggja allann misskiling að þá mun ég bara borga fyrir mig...........

Þannig að

Stay tuned

Var að koma af málþingi á Höfn í Hornafirði

Á síðastliðinn mánudagsmorgun var hringt í mig frá Höfn í Hornafirði og var í símanum maður að nafni Haukur, gegnir sá maður starfi íþrótta & æskulýðsfulltrúa á Höfn. Var hann að athuga hvort að ég kæmist á höfn á Miðvikudaginn ( Í gær ) til að vera með smá fyrirlestur um H-húsið og sambærileg hús.

Ég gat nú ekki hafnað svona góðu boði og ákvað að skella mér. Og á Miðvikudagsmorguninn vaknaði ég klukkan 5, þar sem ég er fluttur úr Hveragerði og aðeins lengra fyrir mig að fara en venjulega og ég átti pantað flug klukkan 08:15.

Var kominn á Reykjarvikurflugvöll klukkan 1/2 8 og allt í góðu með það, var svo sem ekkert rosa hrifinn af því að fara að fljúga, þar sem að ég já er bara nokkuð smeikur við það, nema um er að ræða BOINGvélar ( hvernig sem það er skrifað,svona vélar sem eru í millilandaflugi ). Síðan þegar kallað er í flug að þá fékk ég vægt áfall, því þegar ég gekk inní vélina að þá sá ég að þetta er svokallað "rör" semsagt bara 2 sætaraðir, ein sitthvorum meginn og óþægilegustu sæti bara ever og ekkert klósett, sem fyrir ykkur sem þekkja mig vita að er óþægilegt fyrir mig. Og þegar var komið á brautarenda tilkynnti flugmaðurinn það að það væri þoka á Höfn þannig að það þyrfti að hætta við og var ekki flogið fyrr en klukkan 11:00

Ok....nóg um það, flugið tók um 5o mín og ég í spreng í 30 min af þeim :) Þegar komið var á Höfn að þá tók fyrrnefndur Haukur á móti okkur ( vorum nokkur kominn til að taka þátt í þessari ráðstefnu ) og byrjuðum við á því að fá okkur að borða og síðan kom smá bið og loks byrjaði málþingið

Þetta málþing fjallaði um stöðu ungs fólks á Hornafirði og í skólanum og hvað þau gætu tekið sér fyrir hendur til að gera lífið á Höfn skemmtilegra, menningalega séð. Var þetta rosa skemmtilegt og fróðlegt að kynnast lífi ungs fólks sem er svona langt í burtu frá öllu, 300 km til Egilsstaða og 400 km RVK.

Síðan var farið að borða á kaffihorninu og fékk ég mér þar humar, bæði í forrétt og aðalrétt og var það ekkert smá gott, tók reyndar svoldin tíma að fá matinn á borðið en það var allt í lagi.
Eftir allt þetta að þá fór ég uppá hótel og lagðist uppí rúm, eftir langan og strangan dag, sá NORSKA dómarann eyðileggja leikinn fyrir okkur íslendingum og reynda léleg vörn oft á tíðum.

Og í morgun fór ég og keypti Humar áður en var flogið heim, og þegar ég kom á flugvöllinn ( var seinkað um klukkutíma vegna þoku,núna var þokan í RVK ) var ég nálægt því að biðja bara um bílaleigubíl, því flugvélin sem flutti okkur til baka var 8 sæta vél.......common....þetta er örugglega bara vegna mín, en þar sem ég er hugrakkur lét ég mig hafa þetta

Og nú er ég bara í Hveragerði að deyja úr þreytu. En ég vona að Hornfirðingar muni nota það sem kom útúr þessari ráðstefnu og gera e-d sniðugt.

Alllavegana er tvennt ákveðið eftir þessa ferð, ég ætla þangað á næsta ári á humarhátíðina og ég ætla keyrandi

Þannig að

stay tuned

Rosalegt.......Bravó Vesturport...Bravó

Ekki skrýtið að sýning vesturports á Rómeó & Júlíu hafi slegið í gegn hér heima og úti. Var að koma af lokasýningunni hér heima á þessu verki hjá þeim og ég er dolfallinn.


Þetta er ein magnaðasta sýning sem ég hef séð, leikurinn,tónlistin og fimleikaatriðin gera þessa sýningu að einni bestu mögulegu skemmtun sem völ er á.

Hópurinn er víst á leið aftur til Bretlands að sýna þar og síðan til New York eftir áramót að sýna á brodway.

Til hamingju Vesturport með frábæra sýningu og gangi ykkur vel að sigra heiminn.

Þannig að

Stay tuned

Ps: Það eina slæma var það aðég gat ekki hoppað uppá svið og tekið þátt með þeim. Fann það svo sterkt í kvöld að þetta er Það sem ég vil, að leika. Það kemur með tíð og tíma :D

Bestu borgarar í heimi og ný vinna

Já, ég er alveg búinn að komast að því að bestu hamborgarar í heiminum eru til á Íslandi ( og þetta fullyrði ég ) og þá er hægt að fá á BÚLLUNNI sem er pleisið hans Tomma sem var með Tomma hamborgarar ( fyrir þá sem muna eftir þeim stað )

Borgarinn hjá honum er svakalega góður, það er eitthvað sem gerir hann svona spes, hvort að það sé sósan,hvernig hann er eldaður eða hvað, allavega er hann fáránlega góður.

Síðan er nýtt í mínu lífi, ég er búinn að segja upp í Hveragerði og er að fara að vinna á soldið spennandi stað, ætla ekkert að segja neitt um hann hér nema það að það er e-d sem mér lýst rosa vel á. Kveð Hveragerði stoltur og en einnig með söknuði, en ég á nú eftir að gera nokkra hluti áður en ég hætti, en það gerist ekki fyrr en 1 okt

þannig að

stay tuned

Þetta verður stutt blogg

Ég gerði mest lítið um þessa helgi, hitti ekki Braga & Emmý ( sorrý kids ) fór uppí skóg og hitti Hlínzuna mína og E.Valberg & Frú, skemmtið ykkur vel úti ( fékk sms frá E.Valberg þar sem hann er í London, why you little )

Er á leið til köben í Nóv ásamt góðum hóp vina minna, hlakkar mikið til, hef aldrei komið þangað

Þannig að

Stay tuned

Falleg athöfn, Fjölmiðlafrumvarpið og Verslunarmannhelgin.
 
Kiddi hjá trs kom og reddaði mér í sambandi við tölvufjandann, veit ekkert hvað skeði þar.

Fór á föstudagskv til RVK og hitti Braga & Emmý, gisti þar eins og ég var búinn að minnast á og var það frekar kúl, horfðum á Robin William on stage og 24 ofl. Takk fyrir mig elskunar

Síðan á Laugardaginn var það brúðkaupið hjá Eirík & Elínu. Verð bara að segja að þetta var æðislegt, Elín var gullfalleg og Eiríkur var bara virðulegur. Virkilega falleg athöfn og óska ég þeim báðum innilega til hamingju og megi Guð færa ykkur hamingju og mikla gleði saman ( sem ég efast ekki um ) Síðan var haldið í veisluna og tókst hún með ágætum vel, flottar og góðar kökur/tertur, skemmtileg atriði og já bara frábært í alla staði. Síðan ætla brúðhjónin að skella sér til Eþjópíu ( er það ekki skrifað svona? ) á næsta mánudag, ef það væri ekki brúðkaupsferðin þeirra að þá væri ég meira en til í að fara með þeim, ég get svo sem séð um töskunar krakkar ha???   Þið hringið bara í mig:D

Hitti Önnu & Svönu líka á föstudaginn, Anna er að fara til Mexíkó 19 að ég held, í heilt ár og vonandi heppnast það vel hjá henni.

Á laugarsdagskv fór ég á lofgjörðarstund hjá KSF og var það virkilega gefandi eins og alltaf að fá að lofa HANN, hitti Gróskuna mína þar og var það æðislegt, daman bara kominn með bílpróf og læti, maður verður að fara að passa sig:D

Hlín er enn á Eiðum, veit ekki hvenær hún kemur þaðann, er soldið farinn að sakna hennar....Komdu heim kona.

Verslunarmannahelgin framundann........veit ekkert hvað ég muni gera, var að spá í að skella mér til Eyja, en læt ekki verða að því  vegna peningaleysis, þá kom til greina að skella mér vestur með fullt fullt af skrítnu fólki, en læt ekki verða að því vegna peningaleysis, þá kemur til greina að skella sér norður með lögfræðingnum og fleira fólki, veit ekki hvort að ég láti verða að því vegna peningaleysis, þá kemur til greina að fara í Vatnaskóg og hitt fullt fullt af skrítnu fólki þar, gæti látið verða af því, þá kemur til greina að fara í Kirkjulækjakot og hitta þar fullt fullt af skrítnu fólki, gæti látið verða af því, þá kemur einnig til greina að vera hjá Mömmu & Pabba og Palla og family, gæti látið verða af því ( það er ódýrast ) Og einnig kemur til greina að hanga með Braga & Emmý, það er líka mjög hentugt, kostar ekki mikið, nema kannski tóbak og videó ( fyrir mig .þ.e.a.s. ) Þannig eins að þið sjáið að þá kemur margt til greina þessa helgina :D

Æi nenni ekki að tala um fjölmiðlamálið, annað en það að ríkistjórnin tapaði þessu illilega og gott á hana.....skrifa meira um það í næstu færslu

Þannig að

Stay tuned

Verið að kvarta yfir bloggletinni í manni :)
 
Og er það svo sem vel skiljanlegt, minns er ekkert búinn að vera neitt rosa duglegur undanfarnar vikur að blogga. Tók 4 daga í sumarfrí, og á einn eftir, það er svona þegar maður byrjar á nýjum stað að þá bitnar það á sumrafríinu. Hef aldrei átt sumarfrí og hlakkar mig mikið til þegar loksins kemur að því, sem Guð veit hvenær það verður.

Er að fara í brúðkaup hjá Hr Valberg og tilvonandi Frú Valberg á morgun og hlakkar mig mikið til að samgleðjast þeim. Og verð bara að minnast á elskunar mína Emmý & Braga, það er ekki amalegt að eiga svona vini sem hleypa manni inná heimili sitt og leyfa manni að gista, en það ætla að þau að gera fyrir mig í kvöld og hafa gert svo oft áður Takk elskunar mínar, þið eruð perlur
 
En úr tilfinningaseminni yfir í annað, ég vissi ekki hvert ég ætlaði í gærkvöldi, mikið andsk....varð ég brjálaður, helv....Outlookinn minn tók bara uppá því svona allt í einu að hreinsa allt út úr sér, alla acounta, contacta öll mail sem ég hef sent eða fengið, bara púff, horfið sorrý þú. Ég er að vona að trs reddi þessu fyrir mig.

Jói innilega til hamingju með prófið og allt saman.

Ég fæ ekki hundinn ( var svikinn ) en það er svo sem allt í k, ég er búinn að ganga frá því að ég fái annann, í sept að öllum líkindum.

Annars hvet ég alla til að skoða síðuna hjá Braga & Emmý ( það er linkur hér til hliðar, bestu vinirnir ) en þar er Emmý að rifja upp gamla tíma, voða flott hjá henni og skemmtilegt

Þið fyrirgefið, en ég nenni ekki að skrifa um  kosningarnar né fjölmiðlamálið, ég hef miklar skoðanir á þessu og munu þær koma fram, en ekki núna

þannig að

Stay tuned

Kosningar & Hundur

Þessar kosningar eru svo ekki spennandi, verður reyndar gaman að sjá hverju lítið/mikið ( eftir því hvernig litið er á það ) Ástþór fær.

Minns er að fá sér hund, er búinn að vera að reyna að setja myndina hér inn, það er ekkert að ganga, það er hún, semsagt Tík og heitir Viktoría og er blendingur af Collie/Retriver. Það verður spennandi að sjá hvernig það muni ganga.

Annars er ég fullu við að setja saman dagskrá sem við í H-húsinu erum að setja af stað í Júlí, sumarhátíð H-hússins..........Rosa stemmning vonandi.

En já ég ætla að fara að fá mér að borða, bið að heilsa

Þannig að

Stay tuned

Þetta er með því skrýtnasta sem ég hef séð/gert í svona prófum

Skora á þig að gera þetta og fylgja leiðbeiningunum og ekki svindla ok


Test 1:
This test is weird. Test yourself, but remember - The most important thing
is to follow the instructions very carefully and not to scroll down too fast.
Now, count the following easy calculations in your head as quickly as
you can. It might help you if you say the answers aloud.
Follow the instructions one at a time and as fast as possible.


How much is:

2 + 2?


8 + 8?

16 + 16?

Fast! Think of a number between 12 and 5.




Ready? Don't change your original number!



Scroll down!


The number you chose was 7.


Strange, right?!?


Test 2:
How much is:

1 + 5?


3 + 3?


4 + 2?


5 + 1?

Repeat the number 6 in your head as fast as possible
for 15 seconds.







FAST!!! THINK OF A VEGETABLE!



Think, think...





You were thinking about a CARROT, weren't you!?!
Really weird, right!?!?!





Test 3:
Say the following number aloud!
Do it fast!
3
33
333
3333
33333
333333
3333333




Fast! Choose a color and a tool!



Thought of one of each? Don't change the original!


You answered: red and hammer


Didn't you?!



Þetta er ekkert smá skrítið maður

Þannig að

Stay tuned

Karlrembuhlaup!!!!

Hvergerðingar halda áfram að koma mér skemmtilega á óvart. Ég var nebbilega að komast að því í dag að í Hveragerði er haldið eina karlrembuhlaupið á íslandi og er það haldið á sama tíma og Kvennahlaup ÍSÍ. Mér finnst þetta alveg magnað, áfram karlmenn:)

Annars er búið að vera mikið að gera, var aað leggja lokahönd á skipulagningu á 17 júní hér í bæ. Það verða þessar hefðbuindnar ræður og fjallkonan og svona, síðan eitthvað laugarsprell. Það er bara voandi að fólk láti sjá sig og að himnafaðirinn láti sól skína.

Síðan um kvöldið verður djamm session í H-húsinu, Grjóni og fleiri munu spila og syngja og einnig munum við bjóða uppá það að ef fólk vill syngja með þeim að þá er það velkomið.

Nenni ekki að skrifa meir.

Ætla að undirbúa mig undir stórsigur ÍA á FH

Þannig að

Stay tuned

Kominn heim,fluttur aftur og árekstur

Kominn heim frá færeyjum, reyndar er alveg meir en vika síðan. Var rosa gaman, snilldar hópur og skemmtilegt. Læt kannski ferðasöguna hér inn við tækifæri.

Er síðan fluttur úr kompunni yfir í tveggja herb íbúð, ef þú vilt vita hvar þar er, þá bara hringiru í mig.

Einar keyrði á mig um daginn, svaka beygla og læti á bílnum.

Nenni ekki að skrifa meir

Þannig að

Stay tuned

Mestu ólög í sögu þjóðar samþykkt

Horfði á með öðru auganu þegar hinir hundtryggu ráðherrar Framsóknarflokksins ( fyrir utan einn þeirra, Kristinn H ) hlýddu Davíð Odds í blindni eingöngu vegna þess að í haust verður Halldór forsætisráðherra, og greiddu atkvæði með frumvarpi til laga um eignarhald á fjölmiðlum. Kristinn H er eini maðurinn í stjórnarflokkunum sem á skilið hrós, hann stóð með sinni sannfæringu.

Á meðan, allir þeir ungu og "dugmiklu" frjálshyggju menn sbr Guðlaug Þór, Sigurð Kára, Birgir Ármanns skitu allir uppá bak, og seldu sálu sína í von um að geta komist lengra innan flokksins.

Þetta er skandall, að samþykkja lög sem ALLIR vita að séu sett fram eingöngu til þess að klekkja á einu fyrirtæki, og eru sett fram af heift. Ég varð fyrir miklum vonbrigðum með þetta fólk, að svikja öll gildi sem þau hafa haft, nema kannski Dabbi og Bjössi Willis, þeir hafa engin gildi nema að láta reiðina stjórna og hrokann. Feitur séns að ég muni nokkurntíman kjósa þetta pakk. Enda gallharður Samfylkingarmaður ekki að það komi málinu við, er ánægður með mína menn

Nú er bara að vona að Ólafur Ragnar hlusti á þá rúmlega 20.000 manns sem eru búinnir að skirfa undir listann, að ÓRG standi með þjóðinni, því þjóðin hefur staðið með honum en mun ekki gera það svikji hann hana. MUNDU ÓLAFUR, ÞAÐ ERU KOSNINGAR Í SUMAR!!!!!

Og ég tek undir gömul orð ÓRG, Forsætisráðherra er með skítlegt eðli, mundu þessi orð þín einnig Ólafur

ÉG SEGI NEI VIÐ ÞESSUM LÖGUM ekki það að það hafi neitt að segja

þannig að

stay tuned

Hætti við að gera mig að fífli

Minns ákvað frekar að fara uppá skaga að horfa á sýna menn spila við Grindavík í fótbolta. Frekar dull leikur og jæja...steindautt jafntefli.

Kíkti síðan á Bubba með Tótu, en Bubbi var að spila í Bíóhöllinni á skaganum, var svosem alltílagi sko, hann var mest í því að spila ný lög og jú ég hugsa að hann sé barasta í fanta formi kallinn.

Æi annars er bara allt í gúddi og svona, og já bæ ð vei, til hamingju Emmý mín með brill einkunnir og sigurinn í keppninni

Þannig að

Stay tuned

Leikarinn að fara að gera sig að fífli

Ef þig langar til að sjá leikarann gera sig að fífli að þá er tækifærið núna um þessa helgi.

Minns er að fara að reyna að vinna Nissan Almeru til afnota í heilt ár + 15.000 kr bensín úttekt á mánuði í heilt ár.

Það eina sem minns þarf að gera er að kyssa þennan $#""&# bíl á sportbílasýningunni, og ef Þess þarf alla helgina, því að þá sem endist lengst mun vinna bílinn. Segiði svo að maður sé ekki geðveikur:)

Annars er ekkert nýtt að frétta, er bara spenntur fyrir Færeyjaferðinni

Þannig að

Stay tuned

Júróvisjon,fótbolti,svefn,færeyjar

Það var stemmari í H-húsinu á laugardaginn, við vorum og erum með miðasölu á Metallica í gangi, einhverjir miðar eru eftir. Síðan audda um kvöldið var glápt á Jónsa standa sig frábærlega í Júróvisijon, ég er einn af þeim sem finnst þessi keppni æðisleg......sit stjarfur og horfi á, en í leiðinni er ég að tuða yfir því hvað þetta er hallærislegt, svona love/hate samband.

Annars var ég mest hissa hvað diskó-homminn fékk mörg stig, ég er að tala um Dean frá Bosníu, í bleikum magabol að syngja versta lag keppninar. Úkranía var mjög flott, eiga skilið sigurinn. En mitt uppáhalds lag var tvímælalaust lagið frá Kýpur, allveg massa væmið og svona:)

Síðan var farið uppá skagen um nóttina og reynt að sofa eitthvað, tókst ekk nógu vel, fór með bró á leikinn ÍA - Fylkir og voru skagamenn heppnir að jafna undir lokinn, maður var bara á tauginni, en mínir menn skagamenn verða að spila betur en þetta ef þeir ætla að vinna titilinn í sumar, en aftur á móti ef Fylkir nær að skora e-d af mörkum og spila eins og þeir gerðu í gær að þá verða þeir í tveim efstu sætunum, pottþétt.

Síðan eftir lítinn svefn í nótt að þá fékk ég að vita það í morgun að Norrænann vill taka okkur með til Færeyja þannig að ég er að fara þangað, í annað sinn á innað við ári og hlakkar mig mikið til. Munum við fara að hitta fólk í vinabæ Hveragerðis og kynnast því hvernig þau standa að ungmennamálum og fleira. Hittum voandi fullt fullt af skemmtilegu fólki, því ég kynntist því þegar ég fór í fyrra ( getið séð um það í annari færslu ) að færeyjingar eru með skemmtilegasta fólki í öllum geiminum.

Síðan er SURVIVOR í kvöld, lokaþátturinn og spenna. Vona svo inninlega að ruben vinni þetta ( heitir hann það ekki, addna feiti með skeggið ) allavegana ekki boston rob, hann fer í taugarnar á mér.

Nenni ekki að skrifa meir í bili, En skoðaðu þetta og mundu, I LIKE YOU:)

þannig að

stay tuned

Minns að fara til Færeyja

Keiluleikur o.f.l

Minns og lögfræðingurinn tilvonandi erum búnir að vera húkkt á á þessum geggjaða leik. Og það er auðvitað ekki spurning hver hefur haft betur í viðreignum okkar á milli. ( ef einhver er að velta því fyrir sér þá er það leikarinn )

Síðan eru Arsenal að klára deildina án þess að tapa leik, þótt að ég sé liverpool maður að þá verður maður að viðurkenna það að það er ekkert lið sem kemst með tærnar þar sem þeir hafa hælana.

Á morgun er síðan lokafundurinn hjá TTT starfinu hjá mér, og er áætlað að fara í skóræktina með pjakkana og grilla pulsur og leika sér e-d. Vonandi að það verður gott veður hjá okkur á morgun.

Hey já ég sá Kill Bill Vol 2 um daginn með Braga og urðum við ekki fyrir vonbrigðum, reyndar er hún frekar slow miðað við Vol 1, en engu að síður góð.

Pabbi er á leið til Þýskalands, að skoða vagn og e-d fleira. Vonandi gengur það vel hjá honum. Það virðist vera að allir aðrir en ég í þessari famyli séu annaðhvort í útlöndum eða á leið þangað!!!!!! Ekki alveg sáttur sko, er búinn að vera að deyja mig langar svo á ÍSl Vs England, en hugsa að það verði ekki. Ætla frekar að skella mér til London í haust, gista á Lancaster Hall, hanga á La bamba sem er Besta kaffihús sem ég hef komið á. Fara á Maddam Tussoe, og skella mér í leikhús.

Annars var ég að tala við Eyju í gær, og við vorum að tala um London ferðina okkar í fyrra, fyrir ykkur sem ekki vita að þá skelltum ég og Eyja okkur til London í fyrra, í Mai ákkurat, og vorum í viku og skemmtum okkur konunglega. Þá einmitt kynntumst við La Bamba:)

En einmitt í þessari upprifjun að þá mundum við það að við horfðu á Júróvision uppá hótelinu og sáum Birgittu brillera, en það sem stóð uppúr var gjörsamlega breski kynnirinn, hann var svo fyndinn, dissaði keppnina hvað eftir annað og breski húmorinn alveg í fyrirrúmi. Ég hvet alla til þess að reyna að horfa á keppnina í ár, í gegnum gervihnött og ná bresku stöðinni, þið munið ekki sjá eftir því.

Annars verðu svaka Júróvisionpartý hjá okkur í H-húsinu á laugardaginn, fánar og læti, ef þú átt leið í verahvergi, komdu þá við og heilsaðu uppá okkur

Þannig að

Stay tuned

Nýjir vinir

Minns er búinn að taka das linkenmæster í vinatölu sína, þeir linkuðu inn á mig einhverja hluta vegna og fá þess vegna link á sig:)

Lag Bubba um NLC Bubbi ekki búinn að gleyma baráttuandanum

N.L.C.
Höfundur texta: Bubbi Morthens

Sjáiði frelsisins frjálshyggjumenn
frelsið er í hættu einu sinni enn
Mogginn ekki lengur nr 1
sjónvarp flokksins þykir þreitt,
kolkrabbinn dauður eitthvað er að
Dabbi er lagður af stað.

Og það er 1, 2 3
endurheimtum gömul völd.
Því hann Davíð segir það.
Baugur á fréttablað.
Og það eru 4, 5, 6
Baugur selur hamar og sög
frelsið er í hættu komiði nú
setjum á helvítið lög.

Ráðlausir ráðherrar jarma í kór
reiði foringjans er þung og stór.
Með lafandi tungu halda í stól
votir um augun fá sitt hól
sjálfstæð hugsun kemst ekki að
Dabbi hann sér um það.

Og það er 1, 2 3
endurheimtum gömul völd.
Hver og einn mun fá sitt hrós
bara ef við drepum Norðurljós
Og það eru 4, 5, 6
Baugur selur hamar og sög
frelsið er í hættu komiði nú
setjum á helvítið lög.

Hvar eru þeir ungu sem göluðu hæst
jakkafataframtíðin beið þeirra glæst.
Frjálshyggjusprotar komnir á þing
orðnir kommar, komnir í hring.
Sjá ekki,heyr ekki, vit ekki neitt
orð Davíðs öllu breytt.



Og það er 1, 2 3
endurheimtum gömul völd.
Við erum stjórnin,við notum það
því Baugur á fréttablað.
Og það eru 4,5,6
Allir munu fá sitt hrós
frelsið er í hættu komiði nú
bútum niður Norðurljós.

Já sjáði frelsisins frjálshyggjumenn
frelsið er í hættu einu sinni enn
mogginn ekki lengur nr 1.
Sjónvarp flokksins þykir þreitt
kolkrabbinn dauður eitthvað er að
Dabbi er lagður af stað

Og það er 1, 2 3
endurheimtum gömul völd
við erum stjórnin,við getum það
því Baugur á fréttablað.
Og það eru 4,5,6
allir munu fá sitt hrós
Frelsið er í hættu komiði nú
bútum niður Norðurljós.

Frelsið er í hættu komiði nú
bútum niður Norðurljós.